ആശ്ചര്യകൃപയെ ക്രൂശിൽ ഞാൻ കണ്ടു
രണ്ടു കള്ളർ മദ്ധ്യേ ക്രൂശിൽ ഞാൻ കണ്ടു
പാപിയെനിക്കായ് യാഗമായ്ത്തീർന്ന
യേശുവിൻ ദിവ്യ സ്നേഹം ഞാൻ കണ്ടു
Verse 2
സ്വർഗ്ഗ മഹിമകളെ വെടിഞ്ഞവൻ
ഊഴിയിലവതരിച്ചു
മക്കൾ ജഡരക്തങ്ങളോടുകൂടിയോർ
അവനും അവരെപ്പോലായ്
ജഡം ധരിച്ചു ക്രൂശിൽ മരിച്ചു
ഉയിർത്തു ഇന്നും ജീവിക്കുന്നു
Verse 3
അത്ഭുതമത്ഭുതമെ ക്രൂശിൻ കാഴ്ച
കാൽവറി മാമലമേൽ
നിഷ്ക്കളങ്കൻ പരിപാവനൻ പവിത്രൻ
നിഷ്ടൂരന്മാർ കയ്യിലായ്
ഏൽപ്പിക്കപ്പെട്ടു അറുക്കപ്പെട്ടു
എനിക്കായ് ദിവ്യ ബലിയായ്ത്തീർന്നു
Verse 4
പാതാളത്തിൽ ഇറങ്ങി ദൈവപുത്രൻ
സർപ്പത്തിൻ തല തകർത്തു
ബദ്ധന്മാരാം തന്റെ ഭക്തന്മാരെയൊക്കെ
രക്തത്താൽ വിടുവിച്ചവൻ
പിതാവിൻ മുമ്പിൽ സമർപ്പിച്ചവൻ
ആത്മാവിനെ ദാനം നൽകിയവൻ
