Bhupathimaar mudimane

Verse 1

ഭൂപതിമാർ മുടിമണേ! വാഴ്ക നീ പാരിൽ പെരുത്തപാപം നീങ്ങുവാനിഹ യാഗമായൊരു നാഥൻ നീ

Verse 2

സാധുവാമിവൻ പുതുജീവനിൽ കടക്കയാൽ സാദരം ഭവൽ സ്തുതിചെയ്യുമേ ജയം പാടുമേ സതതം പ്രഭോ

Verse 3

നിൻ തിരു കൃപയോർത്താൽ ബന്ധുത ലഭിക്കിലും അന്തമറ്റതിദോഷം ചെയ്തവൻ ഫലംകൊയ്തവൻ കഠിനൻ വിഭോ

Verse 4

നീതിയിൻ വിധിക്കുമുൻ ഭീതനായ് ഭവിക്കവേ പാതകനിവൻ ബഹുഭാഗ്യമാർന്നതി- യോഗ്യനായ്ത്തിരു നീതിയാൽ

Verse 5

രാജനായ് വാഴ്ക നിൻ നീതിയാൽ ഭരിക്ക നീ രാജിത മഹസ്സെഴും നാഥനെ തവ ദാസനെ ഭരമേൽക്ക നീ

Verse 6

നിൻ തിരു പ്രഭാവമിന്നെന്തു ഞാനുരയ്ക്കുന്നു നിൻതിരു മുന്നരചർ വീഴുമേ സ്തുതി- പാടുമേ മടിയെന്നിയേ

Verse 7

കാഴ്ചകളോടു തിരുവാഴ്ചയിലവർ വന്നു വീഴ്ച കൂടാതെ വണങ്ങിടുമേ മുഴങ്ങിടുമേ സ്തുതിഗാനവും

Verse 8

പാതകൻമാർ തിരുമുൻ വേദനയോടുഴറി ഖേദമോടുടൻ വിറച്ചീടുമേ ഒളിച്ചീടുമേ തരമാകുകിൽ:-

Verse 9

തീയൊടു മെഴുകുപോലാമവർ നീയോ നിത്യ സ്ഥായിയായ് പരം വസിച്ചിടുമേ ഭരിച്ചീടുമേ യുഗകാലമായ്

LyricFront