Deva deva nandanan kurisheduthu

Save
Add to setlist
Present
Copy link
Share
Download

Malayalam
English
Both

R
B

Chords

Verse 1

ദേവ ദേവ നന്ദനൻ കുരിശെടുത്തു പോവതു കാണ്മിൻ പ്രിയരേ; കാവിലുണ്ടായ ശാപം പോവാനിഹത്തിൽ വന്നു നോവേറ്റു തളർന്നയ്യോ! ചാവാനായ് ഗോൽഗോത്താവിൽ

Verse 2

പരമപിതാവിനുടെ തിരുമാർവ്വിലിരുന്നവൻ പരമഗീതങ്ങൾ സദാ പരിചിൽ കേട്ടിരുന്നവൻ പരമദ്രോഹികളാകും നരരിൽ കരളലിഞ്ഞു സർവ്വമഹിമയും വിട്ടുർവ്വിയിങ്കൽ വന്നയ്യോ

Verse 3

കുറ്റമറ്റവൻ കനിവറ്റ പാതകനാലെ ഒറ്റപ്പെട്ടു ദുഷ്ടരാൽ കെട്ടിവരിയപ്പെട്ടു ദുഷ്ടകൈകളാലടിപ്പെട്ടുഴുത നിലംപോൽ കഷ്ടം! തിരുമേനികൾ മുറ്റുഅഴന്നുവാടി

Verse 4

തിരുമുഖാംബുജമിതാ അടികളാൽ വാടിടുന്നു തിരുമേനിയാകെ ചോര തുടുതുടെയൊലിക്കുന്നു അരികളിന്നരിശമോ കുറയുന്നില്ലൽപ്പവുമേ കുരിശിൽ തറയ്ക്കയെന്നു തെരുതെരെ വിളിക്കുന്നു

Verse 5

കരുണതെല്ലുമില്ലാതെ അരികൾ ചുഴന്നുകൊണ്ടു ശിരസ്സിൽ മുൾമുടിവെച്ചു തിരുമുഖം തുപ്പി ഭാര- കുരിശങ്ങെടുപ്പിച്ചയ്യോ! കരകേറ്റിടുന്നിതാ കാൽ വരിമലയിങ്കൽ തന്നെ കുരിശിച്ചിടുവാനായി

Verse 6

കുറ്റമറ്റവൻ പാപ പെട്ടവൻ പോൽ പോകുന്നു ദുഷ്ടർ കൂട്ടം ചുഴന്നു ഏറ്റം പങ്കം ചെയ്യുന്നു പെറ്റമാതാവങ്ങയ്യോ! പൊട്ടിക്കരഞ്ഞിടുന്നു ഉറ്റനാരിമാർ കൂട്ട-മെത്രയുമലറുന്നു

Verse 7

എത്രയും കനിവുള്ള കർത്താവേ! ഭർത്താവേ! ഈ ചത്തചെള്ളാം പാപിമേലെത്ര സ്നേഹം നിനക്കു കർത്താവേ, നീ നിന്റെ രാജ്യത്തിങ്കൽ വരുമ്പോളീ ഭൃത്യനെയും കൂടെയങ്ങോർത്തുകൊണ്ടീടണമേ

Play on YouTube

Add to Setlist