Divya raajaa ninne vaazhthum ninte

Verse 1

ദിവ്യരാജാ നിന്നെ വാഴ്ത്തും നിന്റെ ഭവ്യമാം നാമം ഞാനെന്നും പുകഴ്ത്തും നാൾതോറും ഞാൻ തിരുനാമത്തെ വാഴ്ത്തി നാഥാ തുടർന്നിനി നിന്നെ സ്തുതിക്കും

Verse 2

യാവേ നീയോ മഹാൻതന്നെ-അതാൽ ഏവരുമെന്നേക്കും വാഴ്ത്തിടും നിന്നെ ദേവാ നിൻ കൈകളിൻ ശ്രേഷ്ഠകർമ്മങ്ങൾ കേവലം ചൊല്ലുമേ കാലങ്ങൾതോറും

Verse 3

നിൻ പ്രതാപത്തിൻ മഹത്ത്വം-തിങ്ങും വൻ ബഹുമാനത്തെയൂന്നിയുരയ്ക്കും ഉണ്മയായ് നിന്നത്ഭുതങ്ങളോടെങ്ങും പൊങ്ങും നിൻ ശക്തിയും തേജസ്സുമോതും

Verse 4

നിൻ നന്മയിന്നോർമ്മയെങ്ങും-കാട്ടി നിൻ നീതിയെക്കുറിച്ചെന്നും ഞാൻ പാടും നിൻ ക്രിയകൾ തന്നെ നിന്നെ സ്തുതിക്കും നിൻ ശുദ്ധിമാന്മാർ താൻ നിന്നെപ്പുകഴ്ത്തും

Verse 5

മന്നാ നിൻ രാജ്യമെന്നേക്കും-നിൽക്കും നിന്നധികാരമോ-എന്നുമിരിക്കും കണ്ണുകളൊക്കെയും നോക്കുന്നു നിന്നെ നൽകുന്നവയ്ക്കു തീൻ തൽസമയേ നീ

Verse 6

സത്യമായ് നോക്കി വിളിക്കും നരർ ക്കെത്രയും ചാരവേ നീയിരിക്കുന്നു ഭക്തരിന്നിച്ഛയെ സാധിച്ചവരിൻ പ്രാർത്ഥന കേട്ടു നീ രക്ഷ ചെയ്തിടും

Verse 7

പാലിക്കും നീ സ്നേഹിപ്പോരെ-എന്നാൽ മൂലച്ഛേദം ചെയ്യും ദോഷവാന്മാരെ ചേലോടു ഞാൻ സ്തുതി ചെയ്തിടുമെല്ലാ ക്കാലവും ജീവികൾ വാഴ്ത്തും നിൻ നാമം

Verse 8

സങ്കീർത്തനം 145

LyricFront