En perkkaay jeevane thanna enneshuve

Verse 1

എൻ പേർക്കായ് ജീവനെ തന്ന എന്നേശുവെ എന്നുള്ളം തുള്ളുന്നു നിൻ സ്നേഹമോർക്കുമ്പോൾ പാപിയാം എന്നെയും സ്നേഹിപ്പാൻ നാഥനെ യാതൊരു നന്മയും ഇല്ല ജീവിതത്തിൽ

Verse 2

ക്രൂശിൽ ചൊരിഞ്ഞനിൻ രക്തത്താലെന്നെയും ശുദ്ധീകരിച്ചു നിൻ സന്നിധേ നിർത്തുവാൻ മാലിന്യം നീക്കിനിൻ മാർവ്വോടണച്ചല്ലോ കാൽകളെ പാറമേൽ സുസ്ഥതിരമാക്കി നീ

Verse 3

ദുഃഖം പ്രയാസങ്ങൾ ഓരോദിവസവും വൻ തിരപോലെന്മേൽ ആഞ്ഞടിച്ചീടുമ്പോൾ ലോകം തരാത്തതാം സന്തോഷം തന്നു നീ മാർവ്വോടണച്ചെന്നെ താങ്ങി നടത്തുന്നു

Verse 4

ആശ്വാസമില്ലാത്ത ഈ മരുവാസത്തെ എത്ര നാൾ തള്ളി ഞാൻ നീക്കണം പ്രീയനെ പ്രത്യാശയേറുന്നെൻ പ്രിയനെ കാണുവാൻ പൊൻ കരത്താലെന്റെ കണ്ണീർ തുടച്ചിടാൻ

Verse 5

വിശ്വാസ നാടിനെ ദൂരവെ കാണുന്നു വിശ്രാമം പ്രാപിപ്പാൻ ഹൃത്തടം വെമ്പുന്നു കാഹളശബ്ദമെൻ കാതു ശ്രവിക്കുന്നു ആമേൻ കർത്താവേ നീ വേഗം വരേണമെ

Verse 6

യേശുവിൻ സ്നേഹത്താൽ എന്നുള്ളം: എന്ന രീതി

LyricFront