Enthorathbhutha purushan

Verse 1

എന്തൊരത്ഭുത പുരുഷൻ ക്രിസ്തു എന്നതറിഞ്ഞിടുക ഇവനിൽ കാണുന്ന അത്ഭുതങ്ങൾ, വേറെ ആരിലും കാണുന്നില്ല(2)

Verse 2

വചനം ജഡമായല്ലോ കൃപ സത്യം ഇവ നിറഞ്ഞു ഇവൻ പിറന്നല്ലോ പുരുഷന്റെ ഇഷ്ടത്താലെയല്ല, പരിശുദ്ധ ആത്മാവിനാൽ(2)

Verse 3

പ്രവാചകർ ഇവനെയല്ലോ നൂറ്റാണ്ടുകൾ ദർശിച്ചത് ജനിച്ചല്ലോ പ്രവചന നിവർത്തിയായ് അന്നവൻ, ദാവീദിൻ വംശജനായ് (2)

Verse 4

സകലർക്കും രക്ഷ നൽകാൻ ദൈവം ഇവനെയത്രേ അയച്ചു നാം രക്ഷിക്കപ്പെടുവാൻ ആകാശത്തിൻ കീഴിൽ, ക്രിസ്തുവിൻ രക്തം മാത്രം (2)

Verse 5

ഉയിർപ്പിന്റെ അത്ഭുതമോ അതു മറ്റൊരുവനിലുമില്ല ഇന്നും മരിച്ചവരെല്ലാം മൗനതയിൽ തന്നെ, ഇവൻ മൂന്നാം നാൾ ഉയിർത്തു(2)

Verse 6

വീണ്ടും വരുന്നവനായ് ലോകം ആരെയും അറിയുന്നില്ല വേഗം പോയ പോൽ വരുമെന്ന് വാഗ്ദത്തം നല്കിയോൻ, കർത്താവാം ക്രിസ്തു തന്നെ(2)

Verse 7

ലോകത്തെ മുഴുവനുമായ് ഭരിപ്പാൻ യേശു വേഗം വരും ആമേൻ ഒരുവരിലുമില്ല ഈ വിധ അത്ഭുതം, ഇവയെല്ലാം ക്രിസ്തുവിൽ താൻ(2)

LyricFront