Enthorathbhuthame kalvari kurishathil

Verse 1

എന്തോരത്ഭുതമേ! കാൽവറി കുരിശതിൽ എനിക്കായ് മരിച്ചെൻ രക്ഷകൻ

Verse 2

മഹിമകൾ വെടിഞ്ഞൻപിലെൻ പേർക്കായ് മരക്കുരിശതിൽ കാൽകരം വിരിച്ചോ! മരണംവരെ മറുക്കാതെയെൻ മഹാപാതകമവൻ ചുമന്നൊഴിച്ചുവെന്നോ!

Verse 3

ഉലകം മുഴുവൻ ഉളവാക്കി വാക്കാൽ ഉയിർ നൽകിയതോ പാപിയെൻ പേർക്കായ് ദൂതവൃന്ദങ്ങൾ സ്തുതിക്കുന്നവൻ മൃതിയെ വരിച്ചോ എന്നെ സ്നേഹിച്ചതാൽ

Verse 4

മഹത്വനായകൻ ദാഹിക്കുന്നവനായ് ദുഷ്ടമർത്യൻ നിന്ദിക്കുന്നവനായ് എന്റെ ദൈവമേ എന്റെ ദൈവമേ എന്നെ കൈവിട്ടതെന്തെന്നലറുകയോ!

Verse 5

പതിനായിരത്തിൽ ശ്രേഷ്ഠനെൻ നാഥൻ മൃതിയെവെന്നവനുന്നതനെന്നും അതിസുന്ദരൻ ബഹുവന്ദിതൻ സ്തുതിഗീതങ്ങൾ നൽകുവാൻ യോഗ്യനവൻ

LyricFront