Inneram priya daivame ninnaathma

Verse 1

ഇന്നേരം പ്രിയ ദൈവമേ! നിന്നാത്മശക്തി തന്നാലും പ്രാർത്ഥിച്ചിടുവാൻ

Verse 2

നിന്നോടു പ്രാർത്ഥിച്ചീടാൻ നിന്നടിയങ്ങൾ നിന്റെ സന്നിധാനത്തിൽ വന്നു ചേർന്നിരിക്കുന്നു നാഥാ

Verse 3

നിന്തിരു പാദപീഠത്തിൽ അണയുവതിനെന്തുള്ളു ഞങ്ങളപ്പനേ നിൻ തിരു സുതനേശുവിൻ തിരുജഡം ഭുവി ചിന്തിയോർ പുതുവഴി തുറന്നു പ്രതിഷ്ഠിച്ചതാൽ

Verse 4

മന്ദതയെല്ലാം നീക്കുക നിന്നടിയാരിൽ തന്നരുൾ നല്ലുണർച്ചയെ വന്നിടുന്നൊരു ക്ഷീണം നിദ്ര മയക്ക മിവ- യൊന്നാകെ നീയകറ്റി തന്നിടുകാത്മ ശക്തി

Verse 5

ഓരോ ചിന്തകൾ ഞങ്ങളിൽ വരുന്നേ മനസ്സോരോന്നും പതറിടുന്നേ ഘോരവൈരിയോടു നീ പോരാടിയടിയർക്കു ചോരയാൽ ജയം നൽകിടേണം പരമാനാഥാ

Verse 6

നിന്തിരു വാഗ്ദത്തങ്ങളെ മനതളിരിൽ ചിന്തിച്ചു നല്ല ധൈര്യമായ് ശാന്തതയോടും ഭവൽ സന്നിധി ബോധത്തോടും സന്തതം പ്രാർത്ഥിച്ചിടാൻ നിൻതുണ നൽകീടേണം

Verse 7

നീയല്ലാതാരുമില്ലയ്യോ! ഞങ്ങൾക്കഭയം നീയല്ലോ പ്രാണനാഥനേ! നീ യാചന കേട്ടിടാ-തായാൽ പിശാചിന്നുടെ മായാവലയിൽ നാശമായിടു മായതിനാൽ

LyricFront