Kalvari krushil kanum snehathin

Verse 1

കാൽവറി ക്രൂശിൽ കാണും സ്നേഹത്തിൻ പൂർണ്ണത ശത്രുവാം എന്നെ ദൈവം മിത്രമാക്കിയേ രക്തവും ചിന്തി യേശു എന്നെ രക്ഷിപ്പാനായ് ഈ സ്നേഹസ്വരൂപനെൻ ആത്മസ്നേഹിതൻ

Verse 2

ദുഃഖത്തിൽ ആശ്വാസമായ് രോഗത്തിൽ എൻ സൗഖ്യമായ് ഘോരവിപത്തുകളിൽ എന്നെ താൻ ശാശ്വതഭൂജങ്ങളാൽ മാർവ്വോടണച്ചിടും ഈ സ്നേഹസ്വരൂപനെൻ ആത്മസ്നേഹിതൻ

Verse 3

ക്രിസ്തുവിൻ സ്നേഹമെന്നെ നിർബന്ധിക്കുന്നതാൽ എന്നെത്തന്നെ വെറുത്തെൻ ക്രൂശെടുത്തു ഞാൻ നിന്ദയും ചുമന്നുപോം പാളയത്തിൻ പുറം ഈ സ്നേഹസ്വരൂപനെൻ ആത്മസ്നേഹിതൻ

Verse 4

തൻപുനരുത്ഥാനത്തിൻ ശക്തി ഞാൻ ധരിക്കുവാൻ തന്റെ മരണത്തോടങ്ങേകീഭവിക്കുവാൻ ക്രിസ്തുവിൻ കഷ്ടങ്ങളിൽ പങ്കാളിയാകുവാൻ ഈ സ്നേഹസ്വരൂപനെൻ ആത്മസ്നേഹിതൻ

Verse 5

ഒരിക്കലും ഒരിക്കലും ഞാൻ കൈവിടുകില്ല നിന്നെ ഭയപ്പെടാതെ ഞാൻ നിൻ കൂടെയുള്ളതാൽ തീയിൽകൂടി നടന്നാൽ നീ വെന്തുപോകുമോ പെരുവെള്ളങ്ങൾക്കു നിന്നെ മുക്കാൻ കഴിയുമോ

Verse 6

മുൻപടയായ് പിമ്പടയായ് അഗ്നിമേഘത്തൂണുകൾ സൈന്യങ്ങളിൽ അധിപൻ കൂടെയുള്ളതാൽ യുദ്ധം യഹോവയ്ക്കുള്ള-തെന്നോർത്തു കൊള്ളുക തൻ സ്നേഹകൊടിക്കീഴിൽ ആർത്തു ഘോഷിക്ക

LyricFront