കരുതിടും ദൈവമെന്നെ കണ്മണിപോൽ കാത്തിടും ദൈവമെന്നെ ചിറകടിയിൽ (2) കാവലായി താതനെന്റെ കൂടെയുള്ളതാൽ കണ്ണീർ കയത്തിലെന്നെ കൈവിടില്ല (2)

വിശ്വാസത്തിൽ തെല്ലും പിന്മാറാതെ വിശുദ്ധിയിൽ ജീവിക്കും അനുദിനവും (2) വിശ്വാസവീരന്മാർ പോയപാതയിൽ വിശ്വസിച്ചു പ്രിയനേ ഞാൻ പിൻഗമിച്ചിടും (2) Verse 3: യാഹെന്നെ ദൈവം എൻ പാറയാകയാൽ യാഹിൽ തന്നെ ആശ്രയം എന്നുംവെച്ചിടും (2) യാക്കോബിൻ ദൈവമെൻ ചാരെയുള്ളതാൽ യാഹെ മാത്രം ഞാനെന്നും കാത്തിരുന്നിടും (2) Verse 4: മരുഭൂമിയിൽ മന്ന ഒരുക്കിയവൻ മറക്കുകില്ല തൻ അജഗണത്തെ (2) മാറോടണയ്ക്കും എന്നെ നഷ്ടമാകാതെ മാറിലെ രക്തം നൽകി വീണ്ടെടുത്തവൻ (2) Verse 5: ആകുലവേളകളിൽ ആശ്വാസമേകിടും ആവശ്യനേരം എൻ അരികിൽ വരും (2) അൽഭുതമന്ത്രി എന്നെ അത്ഭുതമാക്കും ആനന്ദത്തോടെ സ്വർഗ്ഗതീരം പൂകും ഞാൻ (2)