Kristhan bhaktharaayulelaare

Verse 1

ക്രിസ്തൻ ഭക്തരായുളേളാരേ! തമ്മിൽ തമ്മിൽ സ്നേഹിപ്പിൻ തൻപ്രധാനമാം പ്രമാണം ഇതത്രേ എന്നോർക്കുവിൻ

Verse 2

നാമന്യോന്യം സ്നേഹിക്കുക ക്രിസ്തൻ ശിഷ്യരായോരേ! നാൾക്കുനാൾ നാം ജ്വലിപ്പിക്ക വിശുദ്ധസ്നേഹാഗ്നിയെ

Verse 3

കേടില്ലാത്ത വിത്തിനാലെ പുതുതായി ജനിച്ചോർ ലോകമോഹം ദൈവദ്രോഹം ഇവയിൽനിന്നൊഴിഞ്ഞോർ

Verse 4

ഏക താതൻ ഏക നാഥൻ ഏകാത്മാവു നമുക്കു ഏകയാശ ഏകമേശ ക്രിസ്തുവിൻ അംഗങ്ങൾക്കു

Verse 5

സ്വർണ്ണം വർണ്ണം എന്ന ഭേദം നീങ്ങി ക്രൂശിൻ രക്തത്താൽ നാമെല്ലാരും പുത്രന്മാരും പുത്രിമാരും ആത്മാവാൽ

Verse 6

പുത്രൻ വന്നു രക്ഷ തന്നു ഏവർക്കും സൗജന്യമായ് വേറെ ഒന്നും ഇല്ല ഇന്നും നമുക്കു പ്രശംസയ്ക്കായ്

Verse 7

സത്യഭക്തി സ്നേഹഭക്തി- യാലെ ശോഭിച്ചീടണം ഇല്ലയെങ്കിൽ ദൈവമുമ്പിൽ സകലവും നിഷ്ഫലം

Verse 8

സ്നേഹജ്വാല കൃപയാലെ ജ്വലിച്ചിടും ഹൃദയേ കാഠിന്യങ്ങൾ മാലിന്യങ്ങൾ വെന്തുപോകുന്നുടനെ

Verse 9

സ്നേഹജീവൻ ദൈവജീവൻ ദൈവം സ്നേഹം തന്നെയാം സ്നേഹിക്കിൽ നാം ദൈവത്തിനും താൻ നമുക്കും പാർപ്പിടം

Verse 10

സ്നേഹജീവൻ സ്വർഗ്ഗജീവൻ സ്വർഗ്ഗം എല്ലാം സ്നേഹമാം അങ്ങെന്നേക്കും പൂർണ്ണമാകും ദിവ്യസ്നേഹബന്ധനം.

LyricFront