Kristhuvililla nyaayapramaanam

Verse 1

ക്രിസ്തുവിലില്ല ന്യായപ്രമാണം ക്രൂശിന്മേൽ വന്നതിന്നവസാനം നമ്മുടെ പാപം വഹിച്ചുതാൻ നമ്മുടെ ശാപം സഹിച്ചുതാൻ

Verse 2

ഏകയാഗത്താൽ വന്നു രക്ഷ ഏകയാഗത്താൽ തീർന്നു ശിക്ഷ ക്രൂശിക്കപ്പെട്ട മദ്ധ്യസ്ഥനാം യേശുവിൽ വന്നു പുത്രത്വം

Verse 3

ദൈവത്തിൻ മക്കൾ മധുരനാമം പുത്രനിൽ വന്നീ സ്വർഗ്ഗീയസ്ഥാനം ദത്തിനാലല്ല ജനനത്താൽ മേലിൽനിന്നുളള ശക്തിയാൽ

Verse 4

എവിടെയുണ്ടോ അക്ഷര വാഴ്ച അവിടെയുണ്ടു ജഡത്തിൻ താഴ്ച നന്മയെ ചെയ്‌വാൻ ആഗ്രഹിക്കും തിന്മയത്രേ നിവർത്തിക്കും

Verse 5

ന്യായപ്രമാണത്തിന്നു മരിച്ചു ഉയിർത്ത യേശുവിനെ ധരിച്ചു പരിശുദ്ധാത്മാവിൽ ജീവിപ്പാൻ വിളിച്ചു നമ്മെ ദൈവം താൻ

Verse 6

മോശെയിൻ സേവ അയ്യോ! പ്രയാസം യേശുവിൻ സേവ എന്തൊരുല്ലാസം ജഡം ആത്മാവിൻമേൽ ഭരണം ചെയ്യാത്ത ദിവ്യസ്വാതന്ത്ര്യം

Verse 7

രക്ഷയ്ക്കായ് പ്രവർത്തിക്കയെന്നല്ല രക്ഷ സമ്മാനിച്ചത്രേ തൻ നല്ല ഹിതം ചെയ്യുന്നുളളിൽ ദൈവം താൻ ഇതിൽ നിൽക്കുന്നോൻ ഭാഗ്യവാൻ

Verse 8

പ്രവർത്തിക്കുന്നോൻ ആയതു ദൈവം നിവർത്തിക്കുന്നോൻ ആയതും ദൈവം സർവ്വരിൽ സർവ്വം തൻ നിർമ്മിതം സർവ്വവും തൻ കൃപാവരം

LyricFront