Kristhuvin janangale namukku haa

Verse 1

ക്രിസ്തുവിൻ ജനങ്ങളേ നമുക്കു ഹാ! ജയം മൃത്യുവെ ജയിച്ചുയിർത്തു തീർത്തു താൻ ഭയം! നിത്യഭാഗ്യജീവിതം തരുന്നു നിശ്ചയം ഹാ! എന്താശ്ചര്യം!

Verse 2

നാൾക്കുനാൾ ദുഷിച്ചിടുന്ന ലോകജീവിതം മേൽക്കുമേൽ പ്രയാസമേകും ദൈവമക്കളിൽ ഓർക്ക, നാഥനേശുവിന്നു ലോകമേതുമേ യോഗ്യമായില്ല

Verse 3

അന്ധകാരമദ്ധ്യേയാണിരുപ്പതെങ്കിലും ബന്ധുവായവൻ നമുക്കു മുമ്പിലുണ്ടതാൽ ബന്ധുരപ്രകാശമേകി വഴി നടത്തിടും എന്തൊരാനന്ദം!

Verse 4

ഉറ്റവർ പിരിഞ്ഞുനിന്നു ദുഷ്ടരെന്നപോൽ ചുറ്റിലും ഭയം വരുത്തുവാൻ ശ്രമിക്കിലും പെറ്റതള്ളയിൽ കവിഞ്ഞു കരുതിടുന്നവൻ ക്രിസ്തുമാത്രമാം

Verse 5

പാരിതിൽ പ്രവാസകാലമെന്ന കാരണം ഭാരമായിത്തോന്നിടുമിജീവിത രണം സാരമില്ലിതൽപ്പകാലം വേഗം തീരണം വാനിൽ ചേരണം

Verse 6

ശത്രുവോടെതിർത്തു നിൽക്കുവാനവൻ തരും ശക്തിയതു ധരിച്ചു ധരയിൽ നമ്മളേവരും ശുദ്ധ യുദ്ധം ചെയ്ക, നല്ല വിരുതു താൻ തരും വേഗം താൻ വരും

Verse 7

അന്ത്യകാല ലക്ഷണങ്ങൾ കണ്ടിടുന്നു നാം വീണ്ടെടുപ്പടുത്തു പോയി തലയുയർത്തുവിൻ! പണ്ടുതാൻ പറഞ്ഞവാക്കിലുണ്ടിതൊക്കെയും വേണ്ട സംശയം

Verse 8

യേശു നല്ലവൻ എനിക്കു നല്ലവൻ : എന്ന രീതി

LyricFront