Kurishin nizhalil thalachaychanudinam

Verse 1

കുരിശിൻ നിഴലിൽ തലചായ്ചനുദിനം വിശ്രമിച്ചിടുന്നടിയൻ(2) കുരിശിൻ സ്നേഹത്തണലിൽ കൃപയിൻ ശീതളനിഴലിൽ പ്രാണപ്രിയന്റെ തൃക്കഴലിൽ(2) കാണുന്നഭയമെന്നഴലിൽ(2)

Verse 2

പാപഭാര ചുമടെടുത്തവശനായ് തളർന്നൊരെൻ ജീവിതമേ(2) തളർന്നൊരെൻ ജീവിതം കുരിശിൻ തണലിൽ ശാന്തി കണ്ടതിനാൽ തളരാതിനി വാനവിരിവിൽ(2) ചിറകടിച്ചുയർന്നിടും വിരവിൽ(2)

Verse 3

സ്നേഹം നിറയും തിരുമൊഴി ശ്രവിച്ചു മൽ ക്ലേശം മറന്നിടും ഞാൻ(2) തിരുമൊഴിയാനന്ദനാദം തേനിലും മധുരം തൻവേദം തരുമെനിക്കനന്തസമ്മോദം(2) തീർക്കുമെൻ മാനസഖേദം(2)

Verse 4

ഏതു ഘോരവിപത്തിലും ഭയന്നിടാതവനിൽ ഞാനാശ്രയിക്കും(2) അവനിലെന്നാശ്രയമെന്നാൽ അവനിയിലാകുലം വന്നാൽ അവശതയണയുകിലന്നാൾ(2) അവൻ തുണയരുളിടും നന്നായ്(2)

LyricFront