Mannavane mahonnatha ninne

Verse 1

മന്നവനേ മഹോന്നതാ നിന്നെ ഞങ്ങൾ വന്ദിക്കുന്നു ഇദ്ധരയിൽ നീയൊഴിഞ്ഞില്ലാരുമേ ഞങ്ങൾക്കാശ്രയമായ് മേലിലും നീ മാത്രമേ

Verse 2

ദൈവദൂത സൈന്യം നിന്നെ നമിക്കുന്നു പരിശുദ്ധാ ദോഷികളാം ഞങ്ങളിതിനെന്തള്ളൂ ഓർത്താൽ നിന്റെ നാമം ചൊല്ലിയാലും പോരായേ

Verse 3

മഹാദേവാ മക്കൾ ഞങ്ങൾ തിരുമുമ്പിൽ വണങ്ങുന്നു മാരിപോലിന്നനുഗ്രഹം നൽകണം സർവ്വഖേദവും തീർത്തു നീ ഞങ്ങൾക്കാകണം

Verse 4

നിന്നേപ്പോലോർ ധനമില്ല നിന്നേപ്പോലോർ സുഖമില്ല എന്നെന്നേക്കും നിൻമുഖത്തിൽ വാഴുവാൻ ദാസർക്കനുവാദം തന്നു മാർവ്വിൽ ചേർക്കണം

Verse 5

പൊന്നുനാഥാ പൊന്നുനാഥാ നിൻമുഖം കണ്ടാനന്ദിപ്പാൻ സ്വർഗദേശത്തെന്നു വന്നു ചേർന്നിടും ലോക സങ്കടങ്ങളൊഴിഞ്ഞങ്ങു വാഴുവാൻ

Verse 6

ഭക്തന്മാരേ രാപ്പകൽ നാം തിരുമുമ്പിലാരാധിപ്പാൻ എത്രവേഗം വാനരാജ്യേ പോയിടാം സർവ്വസമ്മോദവും ലഭിച്ചെന്നും പാർത്തിടാം

LyricFront