Ninnaalasaaddhyamaay onnumillaa

Verse 1

നിന്നാലസാദ്ധ്യമായ് ഒന്നുമില്ലാ നാഥാ നിന്നാലസാദ്ധ്യമായ് ഒന്നുമില്ലാ നിന്നാലസാദ്ധ്യമായ് ഒന്നുമില്ലാ ദേവാ നിന്നാലസാദ്ധ്യമായ് ഒന്നുമില്ലാ

Verse 2

പ്രതികൂലകാറ്റുകളടിച്ചീടിലും പടകുകൾതകർന്നങ്ങു വീണീടിലും പലകമേൽ കിടത്തിയെന്നേ പുലർത്തും പാരിന്റെ ഉടയവനേശു നാഥൻ

Verse 3

കാലത്തിൻ വിധിയതോ രാഹാബിനേ കോലമായ് നിറുത്തിയ ദേശത്തിലും രക്ഷകൻ വാതിൽ തുറന്നു നൽകി ദൈവജനത്തിന്റെ കൂടെപാർപ്പാൻ

Verse 4

ബലമുളള കോട്ടകളുയർന്നീടട്ടെ ബലവാന്മാർ ചുറ്റിനും നിരന്നീടട്ടെ യെരീഹോകോട്ടയെ തകർത്ത ദൈവം ഇന്നുമെന്നുമെന്റെ കൂടെയുണ്ട്

Verse 5

ചൂരച്ചെടിക്കീഴിൽ കിടന്നെന്നാലും യാബോക്കിൻ തീരത്തു കരഞ്ഞെന്നാലും ദൂതനെ ഇറക്കി ശക്തി നൽകി ഓടുവാനിനിയും പ്രാപ്തി നൽകും

Verse 6

പൊട്ടകിണറ്റിലേക്കെറിഞ്ഞെന്നാലും പത്മോസിൻ ദ്വീപിൽ നീ വീണെന്നാലും ദർശനം നൽകി നിന്നേ നടത്തും മഹിമയിൻ സാക്ഷിയായ് നിലനിർത്തീടും

Verse 7

ക്ഷാമം നിറഞ്ഞൊരു ദേശത്തിലും വിശ്വാസത്തിൻ വിത്തു നാം വിതച്ചാൽ ക്ഷാമത്തെ മാറ്റി ക്ഷേമമാക്കീ നൂറുമേനി നൽകി അനുഗ്രഹിക്കും

LyricFront