Papiyil kaniyum pavanadeva padm

Verse 1

പാപിയിൽ കനിയും പാവനദേവാ പാദം പണിഞ്ഞിടുന്നേൻ പാപിയാമെന്നെ സ്നേഹിച്ചോ നീ പാരിലെന്നെ തേടിവന്നോ

Verse 2

ദുഷ്ടനരനായ് ദൂഷണം ചെയ്തു ദൂരമായിരുന്നേൻ തേടിയോ നീ എന്നെയും വൻ ചേറ്റിൽനിന്നുയർത്തിയോ നീ

Verse 3

എൻ പാപം തീർപ്പാൻ പരലോകം ചേർപ്പാൻ ഹീനനരനായ് നീ എന്തു ഞാനിതിനീടു നൽകിടും എന്നും നിന്നടിമയാം ഞാൻ

Verse 4

വിണ്ണിൻ മഹിമ വെടിഞ്ഞു നീയെന്നെ വിണ്ണിൽ ചേർത്തിടുവാൻ നിർണ്ണയം നിൻ സേവയെന്യേ ഒന്നുമില്ലിനിയെൻ മോദം

Verse 5

പാപത്തിൻ ഫലമാം മരണത്തിൻ ഭയത്തെ ജയിച്ചവൻ നീയൊരുവൻ ജീവനും സമാധാനവും-എൻ സർവവും നീയേ നിരന്തം

Verse 6

മായയാം ഉലകിൻ വേഷവിശേഷം വെറുത്തേൻ ഞാനഖിലം നിസ്തുലം നിൻ സ്നേഹമെൻ മനം അത്രയും കവർന്നു നാഥാ

LyricFront