Pithavinu sthothram than

Verse 1

പിതാവിന്നു സ്തോത്രം തൻ വൻ കൃപയ്ക്കായ് തൻ നാമത്തിൻ ശ്രേഷ്ഠത കീർത്തിപ്പാനായ് പുരോഹിതവംശം നാം വിശുദ്ധരും തൻ നിത്യമഹത്ത്വത്തിൻ അംശികളും

Verse 2

വാഴ്ത്തുവിൻ പാടുവിൻ സർവ്വഗോത്രങ്ങളെ വാഴ്ത്തുവിൻ പാടുവിൻ സ്തുതി സ്തോത്രങ്ങളെ പിതാവിന്റെ സന്നിധിയിൽ വരുവിൻ തൻ പുത്രൻ മുഖാന്തരം വന്ദിച്ചിടിൻ

Verse 3

പിതാവിന്നു സ്തോത്രം തൻ വൻ കൃപയ്ക്കായ് താൻ ലോകത്തെ സ്നേഹിച്ച സ്നേഹത്തിന്നായ് എല്ലാവരിൻ പാപത്തെ നീക്കിടുവാൻ തൻ മാർവ്വിലെ പുത്രനെ അയച്ചു താൻ

Verse 4

പിതാവിന്നു സ്തോത്രം തൻ വൻ കൃപയ്ക്കായ് തൻ മുദ്രയാം ആത്മാവിൻ ദാനത്തിനായ് അബ്ബാ! എൻ പിതാവേ! എന്നുരച്ചിടാൻ ഈ ഹീനരെ യോഗ്യന്മാരാക്കിടിനാൻ

Verse 5

പിതാവിന്നു സ്തോത്രം തൻ വൻ കൃപയ്ക്കായ് പിശാചിൻ പ്രവൃത്തികൾ അഴിപ്പാനായ് സേനാപതി നമുക്കിങ്ങിമ്മാനുവേൽ നാം ജയം കൊണ്ടാടുന്നു ശത്രുവിന്മേൽ

Verse 6

പിതാവിന്നു സ്തോത്രം തൻ വൻ കൃപയ്ക്കായ് തൻ നിത്യസൂക്ഷിപ്പിൻ വാഗ്ദാനത്തിന്നായ് തൻ ആടുകളൊന്നും നശിക്കയില്ല തൻ കൈയിൽ നിന്നാരും പറിക്കയില്ല

Verse 7

പിതാവിന്നു സ്തോത്രം തൻ വൻ കൃപയ്ക്കായ് ഒരുങ്ങിയ സ്വർഗ്ഗീയ ഭാഗ്യത്തിന്നായ് തന്റെ തിരുമുഖം നാം കാണും സദാ പ്രകാശത്തിൽ വാഴും നാം ഹല്ലേലുയ്യാ!

LyricFront