Prarthanakkay thirumunpil

Verse 1

പ്രാർത്ഥനക്കായ് തിരുമുമ്പിൽ കൈവണങ്ങുന്നടിയാർ തിരുഹിതം പോൽ യാചിപ്പാൻ വരം താ പരമപിതാ അനുഗ്രഹദായകനേ

Verse 2

വിശ്വാസ സ്ഥിരതരായ് അണഞ്ഞിടും ദാസരിന്മേൽ മശിഹായിൻ നാമത്തിൽ കുറവെന്യേ കൃപ നൽകി വഴിനടത്തു കരുണകൾക്കുടയവനെ

Verse 3

വേദാന്ത പൊരുൾ ഗ്രഹിപ്പാൻ തവഹിതം പോൽ മരുവാൻ ജ്ഞാനത്തിൻ ഉറവുകളെ അടിയരിലനുദിനമരുളണമേ അറിവിൻ വല്ലഭനേ

Verse 4

തിന്മകളിൽ പതറാതെ നന്മകളിൽ ജയിപ്പാൻ കന്മഷങ്ങൾ വിട്ടൊഴിയാൻ വിവേചനമരുളുക പരമഗുരോ ആത്മഫലം വിളങ്ങാൻ

Verse 5

നിർമ്മലരാം മനമോടെ നിരന്തരം സ്തുതിച്ചിടുവാൻ നിർമ്മദരായ്‌ നിലനിൽപ്പാൻ നിരുപമസ്നേഹത്തിൽ വസിച്ചിടുവാൻ നിഖിലേശാ കൃപ ചൊരിയു

LyricFront