Puthan yerushaleme divya

Verse 1

പുത്തൻ യെരുശലേമേ ദിവ്യ ഭക്തർതന്നാലയമെ തവനിഴലിൽ പാർത്തിടുവാനടിയൻ അനുദിനവും കാംക്ഷിച്ചു പാർത്തിടുന്നേ

Verse 2

നിർമ്മലമാം സുകൃതം തൻ പൊന്നൊളിയാർന്നമരുമിടം കാംക്ഷിച്ചു പാർത്തിടുന്നേ പുരമിതിനെ കാംക്ഷിച്ചു പാർത്തിടുന്നേ

Verse 3

നിന്നടിസ്ഥാനങ്ങളോ പ്രഭ ചിന്തുന്ന രത്നങ്ങളാം ശബളനിറം വിണ്ണിനു നൽകിടുന്നു നയനസുഖം കാണ്മവർക്കേകിടുന്നു

Verse 4

പന്ത്രണ്ടു ഗോപുരങ്ങൾ-മുത്തു പന്ത്രണ്ടു കൊണ്ടുതന്നെ-മുദമരുളും തങ്കമെ വീഥിപാർത്താൽ-സ്ഫടികസമം തങ്കവോർക്കാനന്ദമേ

Verse 5

വേണ്ടാ വിളക്കവിടെ-സൂര്യ ചന്ദ്രരൊ വേണ്ടൊട്ടുമേ പരമസുതൻ തന്നെയതിൻ വിളക്കു-പരമൊളിയാൽ ശോഭിച്ചിടുന്നീപ്പുരം

Verse 6

അന്ധതയില്ലാനാടെ-ദൈവ തേജസ്സു തിങ്ങും വീടെ-തവ സവിധെ വേഗത്തിൽ വന്നുചേരാൻ മമ ഹൃദയം ആശിച്ചു കാത്തിടുന്നേ

Verse 7

സൗഖ്യമാണെന്നും നിന്നിൽ ബഹു ദുഃഖമാണല്ലോ മന്നിൽ ഒരു പൊഴുതും മൃത്യുവില്ലങ്ങു വന്നാൽ കരുണയെഴും ക്രിസ്തുവിൻ നന്മ തന്നാൽ

Verse 8

പൊന്നെരുശലേമമ്മേ-നിന്നെ സ്നേഹിക്കും മക്കൾ നമ്മെ തിരുമടിയിൽ ചേർത്തു കൊണ്ടാലും ചെമ്മേ നിജതനയർക്കാലംബമായോരമ്മെ

LyricFront