Sarva srishtikalumonnay pukazhthi

Verse 1

സർവ്വസൃഷ്ടികളുമൊന്നായ് പുകഴ്ത്തിടുന്ന സ്രഷ്ടാവിനെ സ്തുതിക്കും ഞാൻ ഇക്ഷോണിതലത്തിൽ ജീവിക്കുന്ന നാളെല്ലാം ഘോഷിച്ചിടും പൊന്നു നാഥനെ

Verse 2

യേശു മാറാത്തവൻ യേശു മാറാത്തവൻ യേശു മാറാത്തവൻ ഹാ എത്ര നല്ലവൻ! ഇന്നുമെന്നും കൂടെയുള്ളവൻ

Verse 3

തന്റെ കരുണയെത്രയോ അതിവിശിഷ്ടം! തൻ സ്നേഹമാശ്ചര്യമേ എൻ ലംഘനങ്ങളും എന്നകൃത്യങ്ങളുമെല്ലാം അകറ്റിയേ തന്റെ സ്നേഹത്താൽ

Verse 4

രോഗശയ്യയിലെനിക്കു സഹായകനും രാക്കാല ഗീതവുമവൻ നല്ല വൈദ്യനും ദിവ്യ ഔഷധവുമെൻ ആത്മസഖിയും അവൻ തന്നെ

Verse 5

തേജസ്സിൽ വാസം ചെയ്യുന്ന വിശുദ്ധരൊത്തു അവകാശം ഞാനും പ്രാപിപ്പാൻ ദിവ്യ ആത്മാവാൽ ശക്തീകരിച്ചെന്നെയും തൻ സന്നിധിയിൽ നിറുത്തിടുമേ

Verse 6

സീയോനിൽ വാണിടുവാനായ് വിളിച്ചു തന്റെ ശ്രേഷ്ഠോപദേശവും തന്നു ഹാ! എന്തൊരത്ഭുതം! ഈ വൻകൃപയെ ഓർക്കുമ്പോൾ നന്ദികൊണ്ടെന്നുള്ളം തുള്ളുന്നേ

LyricFront