Swarga seeyon yaathra cheyyum veerare

Verse 1

സ്വർഗ്ഗസീയോൻ യാത്ര ചെയ്യും വീരരേ പ്രിയയേശു പോയ പാത തന്നെയോ നിങ്ങൾ പോവതെന്നും ഓർത്തുനോക്കുവിൻ

Verse 2

കുറുനരിക്കു കുഴിയും പറവയ്ക്കു കൂടുമുണ്ട് യേശുവിനില്ലിടം തെല്ലുമേ വീടും വയലുകളും മറ്റോരോവിധ സുഖങ്ങളും നേടുവാനായി നീ പോകുന്നോ?

Verse 3

മാതാവും സഹോദരരും ദൈവഇഷ്ടം ചെയ് വോരിവർ എന്നരുൾ ചെയ്തോനാം യേശുവിൻ സത്യമൊഴികൾക്കെതിരായ് സ്വന്തജഡബന്ധം കാപ്പാൻ ഇന്നു നീ പോകുന്നോ സോദരാ

Verse 4

സ്വന്തശിഷ്യരുടെ പാദം സന്തോഷമായ് കഴുകിയ ദാസരിൻ ദാസനാം യേശുതാൻ ജാതികൾക്കധിപതികൾ കർതൃത്വം നടത്തിടുന്നു നമ്മിലോ ദാസനാം നായകൻ

Verse 5

സ്വർഗ്ഗമഹിമ വെടിഞ്ഞിപ്പാരിടത്തിലടിമയായ് വന്നതാം താഴ്മയെന്താശ്ചര്യം പൂഴിയും പൊടിയുമായ മർത്യകീടം എത്ര ഏറ്റം താഴ്മയായ് ജീവിതം ചെയ്യണം

Verse 6

സീയോനിൽ വാസം ചെയ്യുന്നോർ താതനിൻ മഹിമയും തൻ നാമവും ഉള്ളവർ ആകയാൽ താതനിൻ സ്വഭാവവും തൻ തിരുനാമവും ധരിച്ചു പോയിടാം സീയോനിൽ വാഴുവാൻ

LyricFront