தேன் இனிமையிலும் இயேசுவின் நாமம் திவ்விய மதுரமாமே - அதைத் தேடியே நாடி ஓடியே வருவாய், தினமும் நீ மனமே

காசினிதனிலே நேசமதாகக் கஷஷ்டத்தை உத்தரித்தே - பாவக் கசடதை அறுத்துச் சாபத்தைத் தொலைத்தார் கணடுணர் நீ மனமே

பாவியை மீட்கத் தாவியே உயிரைத் தாமே பின்னும் நேமியாம் கருணை நிலைவரமுண்டு நிதம் துதி மனமே

காலையில் பனிபோல் மாயமாய் உலகம் உபாயமாய் நீங்கிவிடும் - என்றும் கர்த்தரின் பாதம் நிச்சயம் நம்பு கருத்தாய் நீ மனமே

துன்பத்தில் இன்பம் தொல்லையில் நல்ல துணைவராம் நேசரிடம் - நீயும் அன்பதாய்ச் சேர்த்தால் அணைத்துனைக் காப்பார் ஆசை கொள் நீ மனமே

ப லோகத்தாரும் மேலோகத்தாரும் புகழ்ந்து போற்று நாமம் - அதைப் ப ண்டுகொண்டால்தான் பொன்னகர் வாழ்வில் புகுவாய் நீ மனமே