வா பாவி மலைத்து நில்லாதே வா என்னிடத்தில் ஒரு நன்மையுமில்லையென் றெண்ணித் திகையாதே உன்னிடத்தில் ஒன்றுமில்லை அறிவேனே உள்ளபடி வாயேன்

உந்தனுக்காகவே நானேயடி பட்டேன் உன் பாவத்தைச் சுமந்தேன் சிந்திய என் திரு ரத்தத்தால் உன் பாவந் தீர்த்துவிட்டேன் பாவி வா

கொடிய பாவ தழலில் விழுந்து குன்றிப் போனாயோ? ஒடுங்கி வருந்தும் பாவிகள் தஞ்சம் நான் ஒன்றுக்கும் அஞ்சாதே வா

விலக யாதொரு கதியில்லாதவன் உலகை நம்பலாமோ? சிலுவை பாவிகளடைக்கலமல்லோ சீக்கீரம் ஓடி வாவேன்

என்னிடத்தில் வரும் பாவிகளை ஒரு பொழுதுந் தள்ளேனே மன்னிய மேலோக வாழ்வை யருள்வேனே வாராயோ பாவி?