Vazhthuka vaanavar aadaravaay

Verse 1

വാഴ്ത്തുക വാനവരാദരവായ് വാഴ്ത്തും വാന മഹോന്നതനെ സ്തുതിയും സ്തോത്രവുമവനുള്ളത് മഹത്വവും ബലവുമവന്റേത്!

Verse 2

ഇമ്മാനുവേലായവനാം പൊ- ന്നേശുവിന്റെ തിരുനാമം സന്തതമുയരട്ടെ - സ്തുതികളിലുയരട്ടെ! ഭൂതല സീമകളിൽ!

Verse 3

നന്ദിനിറഞ്ഞവരായ് ദിനവും വന്ദിത ഗുരുവരനാം പരനേ നാൾതോറും താൻ ചെയ്തവയാം നന്മകൾക്കായ് സ്തുതിപാടാം ഇമ്മാ...

Verse 4

കരുണയും സ്നേഹവും നിറഞ്ഞവനാം കർത്താവിനു സ്തുതി പാടുമ്പോൾ തിരു നാമത്തിന്നിമ്പ സ്വരം സ്തുതികളിൽ മധുരം പകരുന്നു ഇമ്മാ...

Verse 5

നേരുള്ളവരായ് തൻ ദയയിൽ ചാരുന്നവരായ് തീരുക നാം രാവിലെ തോറുമവന്റെ ദയ പുതുതായതിനാൽ സ്തുതി പാടാം ഇമ്മാ..

Verse 6

സ്തുതിയുയരങ്ങളിലുയരട്ടെ സ്തുതിയാലുള്ളവുമുണർന്നിടട്ടെ ആത്മണാളനെഴുന്നെള്ളും കാഹള നാദം കേൾക്കാറായ് ഇമ്മാ...

Verse 7

സ്തോത്രം പരനേ നിനക്കു സ്തുതി തിയേക നാഥാ നിനക്കു സ്തുതി നിനക്കു സ്തുതി സ്തുതി നിനക്കു സ്തുതി മഹത്വത്തിൻ പ്രഭുവേ നിനക്കു സ്തുതി! ഇമ്മാ...

LyricFront