Vishvasa jeevitha yaathrayathil

Verse 1

വിശ്വാസ ജീവിത യാത്രയതിൽ കഷ്ടം പ്രയാസങ്ങൾ ഏറിടുമ്പോൾ വിശ്വാസ നായകനേശു മഹേശനേ തൃക്കരം നീട്ടി നീ താങ്ങി നടത്തുക

Verse 2

എൻപേർക്കായ് ക്രൂശതിൽ തൂങ്ങിയല്ലോ കാൽ കരം ആണിക്കയ് ഏകിയല്ലോ എന്തു ഞാൻ തന്നീടുമോ നാഥാ നിനക്കായ് ഏറ്റു കൊൾക എന്നെ മുറ്റും സമ്പൂർണ്ണമായ്

Verse 3

രോഗത്താൽ ദേഹം ക്ഷയിച്ചെന്നാലും ആശ്വാസം നൽകുന്നോൻ കൂടെയുണ്ട് ആണിപ്പഴുതുള്ള പൊൻ കരം നീട്ടി താൻ താങ്ങി നടത്തിടും അന്ത്യം വരെയെന്നെ

Verse 4

പാഴ്മരുഭൂമിയിൽ പാതയൊരുക്കുവാൻ പാലകൻ നീയെന്നും കൂടെയുണ്ട് പാരിതിലെന്റെ വാസം കഴിയുമ്പോൾ വിശ്രമം പ്രാപിക്കും നിൻ മാർവ്വിൽ നിത്യമായ്

Verse 5

വിട്ടുപിരിഞ്ഞവർ കർത്തനോടൊത്ത് ആർത്തു സന്തോഷിക്കും ആ സമൂഹെ നാമും ആ കൂട്ടത്തിൽ ചേർന്നിടുവാനായ് അന്യമെന്നെണ്ണാം ഈ ലോകസുഖങ്ങളെ

Verse 6

ദൂതന്മാർ കാഹളം ഊതിടുമ്പോൾ ആകാശ മേഘത്തിൽ താൻ വരുമ്പോൾ ദൂരെ ആ ശോഭിത തീരത്തഞ്ഞു നാം വാടാ കിരീടങ്ങൾ ചൂടിടും നിശ്ചയം

LyricFront