Vishvasathin nayakan poortthi varuthunnavan

Verse 1

വിശ്വാസത്തിൻ നായകൻ പൂർത്തി വരുത്തുന്നവൻ യേശു എന്റെ മുൻപിലുള്ളതാൽ പതറിടാതെ സ്ഥിരതയോടെ ഓട്ടം ഓടി തികച്ചിടാൻ ആവലേറുന്നേ

Verse 2

നിൻ മുഖം എത്രയോ ശോഭയായ്‌ കാണുന്നെൻ മുൻപിലായ്‌ യേശുവേ നിൻ മുഖത്തു തന്നെ നോക്കി ഓട്ടം ഓടി ഞാൻ നിത്യതയിൽ ചേർന്നിടുമല്ലോ

Verse 3

നിൻ മുഖത്തു നോക്കുവോർ ലജ്ജിതരാകില്ലെന്ന്‌ വാഗ്ദത്തം എനിക്ക്‌ ഉള്ളതാൽ പിൻപിലുള്ള സകലത്തെയും മറന്നു മുൻപോട്ടാഞ്ഞു കൊണ്ടെൻ ഓട്ടം ഓടുന്നേ നിൻ...

Verse 4

കഷ്ടങ്ങൾ സഹിച്ചോനാം യേശുവെ നോക്കീടുമ്പോൾ കഷ്ടങ്ങളിൽ സന്തോഷിക്കുന്നേ പ്രാണനാഥൻ പോയതായ പാതയെ ധ്യാനിച്ചു ഞാനും പിൻഗമിച്ചിടും നിൻ...

Verse 5

നല്ല പോർ പൊരുതിയോർ ഓട്ടം ഓടി തികച്ചോർ നീതിയിൻ കിരീടം ചുടുമ്പോൾ വിശ്വാസത്തെ കാത്തു ഞാനും നൽ വിരുത്‌ പ്രാപിച്ചീടും ശുദ്ധരോടൊത്ത്‌ നിൻ...

Verse 6

ശോഭിത നഗരത്തോടടുക്കുന്തോറുമെപ്പോഴും അത്യാശ എന്നുള്ളിൽ ഏറുന്നേ ഒന്നു മാത്രം എന്റെ വാഞ്ച നിന്മുഖം കണ്ടെന്നുമെന്നും കൂടെ വാഴണം നിൻ...

LyricFront