Yeshu en abhayam njaan bhayappedilla

Verse 1

യേശു എൻ അഭയം ഞാൻ ഭയപ്പെടില്ല ഇമ്മാനുവേൽ എന്റെ പടകിലുണ്ട് കഷ്ടങ്ങൾ അനവധി എതിരേറ്റാലും എൻ പ്രിയൻ ചാരത്തായ് തുണയായുണ്ട്

Verse 2

കഠിനശോധനയിൽ തളർന്നിടാതെ കൊടും കാറ്റടിക്കുമ്പോൾ ഉലഞ്ഞിടാതെ ഏകാന്തപഥികനായ് ഞാനെന്നും ലക്ഷ്യത്തിലെത്തിടും തൻ കൃപയാൽ

Verse 3

ധരണിയിൻ അടിസ്ഥാനം മാറിപ്പോയാലും ഉറപ്പേറും കുന്നുകൾ കുലുങ്ങിയാലും ആഴിയിൻ അലകൾ അടിച്ചെന്നാലും കർത്തൻ സാന്നിദ്ധ്യം എന്നെ കുലുക്കുകില്ല

Verse 4

ആശ്വസിപ്പാൻ ആത്മ നദി ഉണ്ടല്ലോ ഉന്നതൻ അതിൻ മധ്യേ വാസമുണ്ട് സഹായത്തിൻ കരം ബലമായ് നല്‍കി അജപാലകൻ എന്നെ പാലിച്ചീടും

Verse 5

സീയോനിൽ നിന്നൊരു ദൈവശബ്ദം മൃത്യുവെ ജയിക്കും ജീവശബ്ദം ദൈവം നമ്മുടെ സങ്കേതം ഉന്നതൻ ഏറ്റവും അടുത്ത തുണ

LyricFront