Yeshu ennadisthhaanam aashayavanilathre

Verse 1

യേശു എന്നടിസ്ഥാനം ആശയവനിലത്രെ ആശ്വാസത്തിൻ പൂർണ്ണത യേശുവിൽ കണ്ടേ ഞാനും

Verse 2

എത്ര മധുരമവൻ നാമമെനിക്കു പാർത്താൽ ഓർത്തു വരുന്തോറുമെ-ന്നാർത്തി മാഞ്ഞുപോകുന്നു

Verse 3

ദുഃഖം ദാരിദ്ര്യമെന്നിവയ്ക്കുണ്ടോ ശക്തിയെന്മേൽ കൈക്കു പിടിച്ചു നടത്തിക്കൊണ്ടുപോകുന്നവൻ

Verse 4

രോഗമെന്നെ പിടിച്ചെൻ ദേഹം ക്ഷയിച്ചാലുമേ വേഗം വരുമെൻ നാഥൻ ദേഹം പുതുതാക്കിടാൻ

Verse 5

പാപത്താലെന്നിൽ വന്ന ശാപക്കറകൾ മാറ്റി ശോഭിത നീതി വസ്ത്രം ആഭരണമായ് നൽകും

Verse 6

വമ്പിച്ച ലോകത്തിര-ക്കമ്പം തീരുവോളവും മുമ്പും പിമ്പുമായവൻ-അൻപോടെന്നെ നടത്തും

Verse 7

ലോകമെനിക്കുവൈരി-ലോകമെന്നെ ത്യജിച്ചാൽ ശോകമെന്തെനിക്കതിൽ-ഏതും ഭയപ്പെടാ ഞാൻ

Verse 8

വെക്കം തൻ മണവാട്ടിയാക്കീടുമെന്നെയെന്നു വാക്കുണ്ടെനിക്കു തന്റെ നീക്കമില്ലതിനൊട്ടും

LyricFront