Yeshuve nin snehamenne

Verse 1

യേശുവേ നിൻ സ്നേഹമെന്നെ കാത്തു സൂക്ഷിച്ചു നിൻ കൃപയിലിന്നയോളം നിന്നുപോരുവാൻ

Verse 2

നാശകന്റെ ഊടുവഴി ചുറ്റി നടന്നു-നാഥാ മിശ്രദേശത്തന്ധനായ് ഞാൻ മുമ്പു നടന്നു

Verse 3

പാപഭാരമെന്നിൽ നിന്നു നീക്കി നീയെന്നെ-ദൈവ- കോപത്തീയിൽ വീഴാതെന്റെ ശാപം തീർത്തു നീ

Verse 4

നാൾതോറുമെൻ ഭാരങ്ങളെ നീ വഹിക്കുന്നു-എന്റെ ഉള്ളമതിൽ പള്ളികൊണ്ടു വാഴുന്നതു നീ

Verse 5

പാപത്തിന്റെ ശോധനകൾ വർധിച്ചീടുമ്പോൾ-നാഥാ പാപം ചെയ്യാതെന്നിൽ കൃപ തന്നു പാലിക്ക

Verse 6

ഈ മരുവിൽ ഞാനിടറി വീണുപോകാതെ-സർവ- ദുർമോഹവുമെന്നിൽനിന്നു ദൂരെ നീക്കുക

Verse 7

ലോകസ്നേഹം പൂണ്ടീ ദാസൻ ദേമാസാകാതെ-എന്നെ ലോകത്തിൽ നീ അന്യനായ് കാത്തുകൊള്ളേണം

Verse 8

പണ്ടാറുലക്ഷം യോദ്ധാക്കളായി എണ്ണിയവരിൽ-അന്ത്യം രണ്ടുപേരായ് തീർന്നതോർക്കിൽ ഭീതിയുണ്ടെന്നിൽ

Verse 9

ആപത്തിലും ക്ഷാമത്തിലും യേശുവേ നീ മാത്രം-എന്നെ ക്ഷേമമായി പാലിക്കേണം ആർദ്രവാനേ നീ

Verse 10

പിറുപിറുപ്പും മറുതലിപ്പും വന്നുപോകാതെ-എന്നെ കരങ്ങളിൽ നീ പരിപാലിക്ക പരമരാജാവേ

Verse 11

സ്വർഗ്ഗകനാൻ നാട്ടിലെന്റെ പാദം വെക്കുവാൻ-ഇനി എത്രനാൾ ഞാൻ ക്ഷോണിതന്നിൽ കാത്തു പാർക്കേണം

LyricFront